దేహినిరా నేను దేవదేవా మమ
దేహి ముక్తి యన్నాను దేవదేవా
సురహృదయ చందనుడ సోమరవినయనుడ
నరపతి దశరథునకు నందనుడా
వరమునిగణ నుతుడ హరి పురుషోత్తముడ
కరుణను నన్నేలర కాకుత్స్థుడా
అసురుల నణచువాడ జన్నముల కాచువాడ
వసుధాసుతాప్రాణవల్లభుడా
దెసలదొరలు పొగడగ తేజరిల్లెడువాడ
మసలక నన్నేలర మంచివాడా
కామితార్దదాయకుడ కళ్యాణకారకుడ
సౌమిత్రి యుక్తుడ సర్వేశుడా
సామీరి హృదయమున సంచరించెడు వాడ
ప్రేమతొ నన్నేలర శ్రీరాముడా
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.