ఆదరించు రాముడున్నా డది చాలదా మీ
వేదనలు తొలగు నా వేడుక చాలదా
నిరంతరము శ్రీరాముని నెమ్మదిని తలచితే
దురితంబు లన్నియును తొలగునందురు
దురితకర్మఫలములే యాధివ్యాధులందురే
మరి యవి తొలగుటయే మనకు చాలదా
పవలురేలు శ్రీరాముని భావించెడు వారికి
భవబంధము లుడుగునను పలు కున్నది
భవబంధమోచనమే ప్రతిజీవుని కోరునది
అవలీలగ నిట్లు దొరకు నది చాలదా
మరువక శ్రీరామచంద్రుని మదిలోన తలచితే
మరి పుట్టువు లేదని యొక మాట యున్నది
మరల పుట్టకుండుటె మనకు కావలసినది
హరిస్మరణం బటులచేయు నది చాలదా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.