పరవశించి పాడరే హరికీర్తనలు

పరవశించి పాడరే హరికీర్తనలు హరి

మురిసితే నబ్బునే మోక్షము మీకు

 

ధరమీదకు పనిగట్టుక తరచుగా వచ్చుట

నరులమేలు కొఱకు కదా నారాయణుని

కరుణ యింత గొప్పదై కనుపించుచుండగా 

హరిని గాక ఎవరిగొప్ప లాలపించేరో

హరేరామ హరేకృష్ణ యన్నంతనె మెచ్చెడి

స్మరణమాత్ర సంతుష్టుని చక్కనయ్యను

హరిని పొగడి మోక్షధన మార్జించుటను మరచి

నరుల సురల పొగడుటచే నొరిగెడి దేమి

హరిస్మరణము హరికీర్తన హరిసేవన మన్నవి

పురాకృతంబైన దొడ్దపుణ్యము చేత 

దొరకినవని తెలిసి మీరు తిరమైన బుధ్ధితో

పరవశించి హరిని గూర్చి పాడవలయును