మ్రొక్కేమురా చక్కనయ్యా నీకు
మ్రొక్కేమురా చల్లనయ్యా
మ్రొక్కేమురా నీకు భూమికేతెంచిన
చక్కని సామివి సత్యధర్ముడ వని
మ్రొక్కేమురా నీకు మ్రొక్కెడు భక్తుల
చిక్కులు తీర్చెడు శ్రీనివాసుడ వని
మ్రొక్కేమురా నీకు ముక్కంటివింటినే
ముక్కలుగ జేసిన భుజబలం బుందని
మ్రొక్కేమురా నీకు ముక్కోపి భార్గవుని
లెక్కజేయని దోర్లీల స్వంతం బని
మ్రొక్కేమురా నీకు మ్రుచ్చురావణు బట్టి
చక్కజేసితివని సంతోషముగను
మ్రొక్కేమురా నీకు మూడు లోకములేలు
చక్కని సామివని సంతోషముగను
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.