ఏమయా దయామయా యెంతకాల మీరీతి నామనోరథ మెఱుగనటులే నటించేవు

ఏమయా దయామయా యెంతకాల మీరీతి

నామనోరథ మెఱుగనటులే నటించేవు

 

తామసాధముడ నని తలచి దయజూపవో

తామసులనే నేను తగులుకున్నానో

నీమనసు శంకింప నేమి కారణముగా

తామసించెద వయ్య దశరథతనయా

దుష్కర్మములు వీడు తొల్లి చేసెనటంచు

నిష్కరుణబుధ్ధివై నీవుండ దగునే

నిష్కారణంబుగా నీవేల యలిగెదవో

శుష్కమాయెను దయ శోభనాకారా

 

రామ రామా యనుచు రమ్యంబుగా నీదు

నామంబునే జేయు నరుడనే‌ కానే

ఆమోక్షమే దక్క యన్యమేమియు నడుగ

కామితంబొసగవే కరుణాలవాల