నీవే నా మనసున నిలచి యుండగను
నీవు చెప్పినటులే నేనుండనా రామ
వీరు వారు నాకు వినిపించు సలహాలు
వేరయ్య నీచెప్పు విధమది వేరు
ఊరు లోకరీతు లూహించి పలుకు మంచి
దారిజూపుచు నీవు దయతో బోధింతువు
పదిమంది కొఱ కేను బ్రతుకుట లేదయ్య
పదిమంది నాకొఱకు పలుకుట లేదు
పదిమంది త్రోసెడు బాటలు వదలి ఆత్మ
వెదుకు బాటల నెఱుగు విధము బోధింతువు
తనువు గల్గుట చేత తగిలిన బంధాలు
తనువుతో చెడునని తరచు చెప్పుదువు
కనుక వాటిని నేను మనసున నెన్నక నీ
పనిచి నట్టి పథము వదలక యుందును
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.