ఒక్క రామునకె మ్రొక్కెదము వే
రొక్కరి కెందుకు మ్రొక్కి చెడెదము
మ్రొక్కిన నరులకు మిక్కిలి ధనములు
చక్కని పదవులు దక్కినను
అక్కట యమునకు చిక్కుట తథ్యము
మ్రొక్కము మ్రొక్కము మ్రొక్కము నరులకు
మ్రొక్కిన వేల్పులు చక్కని వరములు
నిక్కముగా వెసనిచ్చినను
ఒక్క వేల్పు మా కొసగునె మోక్షము
మ్రొక్కము మ్రొక్కము మ్రొక్కము సురలకు
మ్రొక్కిన రాముడు మోక్షము నిచ్చును
నిక్కువమని సురమునివరులు
ముక్కంటియును చక్కగ జెప్పిరి
మ్రొక్కద మారామున కెప్పుడును
చాలా బాగుంది 👏👏👌
రిప్లయితొలగించండి