రావయ్య నాభాగ్యరాశివి కద రారా
నాతో పంతాలు నీకు న్యాయమా రారా
నాతప్పు లిపు డెన్నుట న్యాయమా రారా
సీతాసమేత రారా శ్రీరామ రారా
వాతాత్మజాసహిత పరమాత్మ రారా
నాపాలిటి దైవమా నన్నేల రారా
పాపాత్ముడ గాను నీదు భక్తుడను రారా
భూపుత్రీయుత రామభూపాల రారా
కోపమేల రారా గోవింద రారా
కరుణామయ దైవశిఖామణీ రారా
మరలమరల ప్రార్ధింతును మన్నించి రారా
ధరణిజావర రారా దైత్యాంతక రారా
పరమపురుష రారా పాలించ రారా
