బంతులాడ రారా నేడు బాలకృష్ణా నాతో
పంతగించి యాటలాడ బాలకృష్ణా
కొండంతైన బరువున్న కోదండను నెత్తినట్టి
గండరగండడవు నీవు కాదటయ్య
అండవై కోతులచే కొండలెత్తించి జలధిని
దండిగ వేయించిన దర్పమునే చూపర
బంతులవలె నెగిరించి పౌలస్త్యుని తలకాయలు
చింతదీర్చినావు గద సీతమ్మకు నీవు
అంతింతన రాని గొప్ప యశము గల రామచంద్ర
బంతులాడి నాచింతలను వరద నేర్పు చూపర
ఎంతో పెద్ద గోవర్ధననము నిట్టే కొనగోట చిన్న
బంతివలె నిలిపినట్టి బలము నీదటయ్య
గొంతెమ్మ కన్నబిడ్డల కొండలంత యిడుములను
చింతలను బంతులవలె చిమ్ము ఠీవి చూపర
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.