అలసియున్న వారమురా ఆదుకోరా
నళినాక్ష యిక జగదానందకారకా
నీమనసున నెఱుగవా నిజము గాను
యే మందుము భవవార్ధి నీదలే మందుము
మా మనవిని వినుటకే మనసురాదా
రామా బహుజన్మ లెత్తి నాము తండ్రీ సుఖ
మేమియు మేమెఱుగ మెన్న డేని
స్వామీ యికనైన మమ్ము చల్లగా చూడరా
ఈ మహాభవాబ్ధి దాటించ రారా
మాటిమాటికిని బుట్టి మరచి నిన్నే యిట
కూటికిని గుడ్డకును గుడుసుపడుచు
నేటికీ భవవార్నిధి నీదు లాడుదుమయా
దాటించర రామచంద్ర దయతో నీవు
