నిన్ను ధ్యానించిన దినము నిజమైన సుదినము
నిన్ను మరచి యున్న దినము నిజముగ దుర్దినము
తలపులన్ని నీపైనే నిలుపుకొన్న వాడను
తలపనుగా నినుదప్ప కలనైన నన్యులను
మెలకువలో నీతలపులు మెదలుటుండు టొక యెత్తు
కలలనైన నీతలపులె కదలాడుట మరి యొకటి
పరమాత్ముండవు నీవును పామరుడను నేనుగా
తిరమైనది నేలమీద దివ్యమైన సంబంధము
నిరతంబును నినుదలచి నే పొందుదు నానందము
కరుణతో నన్ను నీవు కాచుకొనుచు నుందువు
రామచంద్ర మనకిది నీమముగా నున్నదే
యేమిటికని నినుమరచెద నింక శంక మానుమా
నీమ మెప్పుడు దప్పను నిన్ను నేను మరువను
స్వామీ నీ కరుణ కూడ నేమాత్రము దాచకు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.