హరి నీకు సరిజోడు సరసొంగి లక్షణ
గురిచూచి మత్స్యమును కొట్టవయ్యా
ఈనాడు విల్లువిఱచ నెంచకయ్యా
ఆనాటి యనుజుడా ఈనాటి యగ్రజడా
ఈనాడు విల్లువిరువబోను లేవయ్య
అన్ని విండ్లు నీశాంగ మంతటివి కావయ్యా
సున్నితము చూపకుంటె మన్నవయ్యా
అన్నయ్యా నిజమేలే ఆశివధనువు వలెగాక
చిన్నగా మోపెట్టెద చింతవద్దయ్య
గురితప్పని ఆనాటి కోదండరాముడవు
గురితప్పని ఈనాటి గోవిందకృష్ణుడవు
హరి యిదే మద్రపుత్రి వరమాల వేసినది
సరిజోడై లక్షణ నీసరసనే నిలచినది