కోరి నీపాలబడితి గోవిందుడా

కోరి నీపాలబడితి గోవిందుడా లోకా

ధారుడా వీరుడా దశరథసుతుడా

శ్రీరమానాయకుడా చిత్తజగురుడా ధర్మ

వీరుడవై రాముడవై వెలసిన శౌరీ

ధారుణికి దిగివచ్చి దనుజులందరను బట్టి

పేరడచిన వాడా నీకు వేడకుందునా 

 

భూమిమీద భక్తులెల్ల పొగడుచుండగా సర్వ

కామితములు వారికి కలుగుచుండగ

ప్రేముడితో భక్తుల నీవేలుచుండగా పరం

ధాముడా నేను నీకు దాసుడగానా

సురలు నరులు మ్రొక్కుచుండ శోభిల్లువాడా నీకు

సరివారే లేరు రామచంద్రస్వామీ

ధరమీదను నీదు పేరు దశదిశల మ్రోగ ముక్తి

కరుణించు వాడా నిన్ను శరణువేడనా