పరమానందముగా శ్రీరాముని భావనచేయవయా
స్మరణాన్ముక్తి కదా కలియుగమున సంశయ మెందుకయా
వేలకొలది సంవత్సరములుగా భీషణముగ తపము
నేలాగున నొనరించెదమయ్యా ఈశ్వరు డిచ్చునదే
చాలీచాలని నూరేండ్లాయువు జనులందరకీ కలిని
కాలుడు వచ్చెడు లోపల స్మరణమె కాని చేయగలవా
చీటికిమాటికి కాసులకొఱకై చిందులు వేయుచును
కూటికి గుడ్డకు నటునిటు పరుగిడు కువలయ వాసులకు
నోటికి సత్యవ్రతమను మప్పుట యేటిమాట నరుడా
కాటికి పోయెడు లోపల స్మరణమె కాని చేయగలవా
భక్తవత్సలుని సీతారాముని పంచన చేరవయా
శక్తికొలదిగా భగవన్నామము జపమును చేయవయా
భుక్తిని ముక్తిని రాముడిచ్చునని పూర్తిగ నమ్మవయా
యుక్తి నీకు శ్రీరాముని స్మరణమె భక్తిగ చేయవయా
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.