24, జనవరి 2019, గురువారం
భయపడకు భయపడకు భగవంతు డున్నాడు
భయపడకు భయపడకు భగవంతు డున్నాడు
రయమున రక్షించునట్టి రాముడై యున్నాడు
తలపులందు జడతయే తరచుగనగు వేళ
తలమీదను బరువులే తట్టెడైన వేళ
తులువలతో తలపడక తప్పనిదగు వేళ
కలుగజేసికొని నిన్ను కాచువాడు కలడు
బలవంతులు తర్జించుచు పలికినట్టి వేళ
నిలువనీడ కొరకు వేడవలసినట్టి వేళ
పలువురినే నిగ్రహించ వలసినట్టి వేళ
కలుగజేసికొని నిన్ను కాచువాడు కలడు
నిలదీసి మాయావుల గెలువనైన వేళ
బలపడిన యధర్మమే పంతగించు వేళ
కలి పెచ్చుమీరినట్లు కనబడెడు వేళ
కలుగజేసికొని నిన్ను కాచువాడు కలడు
