2, జనవరి 2019, బుధవారం

నేను కోరినది యేమి. నీవిచ్చినది యేమి


నేను కోరినది యేమి నీవిచ్చినది యేమి
కానిమ్ము రామ నేను కాదన వశమా

జరిగిన దేనాడో జరిగిన దింకేల వగవ
మరల తొల్లిటి వలెను మన ముందమన్నచో
సరకుచేయక వినతి జన్మము లెత్తింతువు
పరమాత్ముడా నీవు భలేవాడవే

గుణగణాతీతుడవు గుణనియామకుడ వని
గుణములలో కొన్ని మంచి గుణములిమ్మని వేడ
గుణము లంటగట్టతివి కొరగాని వెన్నెన్నో
గుణమిట్టిదా నీది గొప్పవాడవే

యుక్తి చేసి తొల్లింట నుంచుమని కోరునట్టి
భక్తుని విన్నపమును పట్టించుకొన వీవు
రక్తిలేదు సంసారమున నని మొత్తుకొన్న
ముక్తినీయవే భలే మోసగాడవే

వీరిచే పోస్ట్ చేయబడింది వద్ద
లేబుళ్లు:

5 కామెంట్‌లు:

  1. శ్యామలీయం2 జనవరి, 2019 10:43 AMకి

    శ్రీరామసంకీర్తనంలో, ఈ సంకీర్తన 501వది.

    రిప్లయితొలగించండి
  2. భారతి2 జనవరి, 2019 12:23 PMకి

    అనన్యభక్తితో మీరు రాస్తున్న రామకీర్తనలు ప్రశంసనీయం.
    నాకు అత్యంత ప్రీతికరం.
    అభినందనలు సర్.

    రిప్లయితొలగించండి
  3. విన్నకోట నరసింహా రావు2 జనవరి, 2019 3:00 PMకి

    మీ బ్లాగ్ లోనే సెప్టెంబర్ 2016 “శ్రీరామసంకీర్తనం” టపా క్రింద నిన్న నేను అన్నట్లుగా రెండవ 500ల సంకీర్తనల విడత కూడా మొదలైపోయింది, చూశారా. మీ సంకల్పబలం అటువంటిది. సంతోషం. రెండవ విడత కూడా అచిరకాలంలోనే సంపన్నం అవుతుందని, ఆ తరువాత కూడా కొనసాగుతుందనీ నా నమ్మకం 👍.

    రిప్లయితొలగించండి
  4. M KAMESWARA SARMA2 జనవరి, 2019 4:33 PMకి

    నిను కాదన వశమా' అని చదివినా బాగుంది
    -యంకె శర్మ

    రిప్లయితొలగించండి

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)