24, జనవరి 2019, గురువారం
ఏమి విచారించి వీడిచటికి వచ్చె
ఏమి విచారించి వీడిచటికి వచ్చె
ఏమి బావుకొందునని యిచటికి వచ్చె
అందమైన లోకమని ఆశించి వచ్చెనా
అందరాని ఫలములనే ఆశించి వచ్చెనా
ఎందునులోని సౌఖ్య ముందనుకొని వచ్చెనా
ఎందుకని వచ్చెనో యెవరైన నెఱుగుదురా
వచ్చెను వేగమె భవబంధముల చిక్కెను
వచ్చెను జీవుడనను భావమును పొందెను
వచ్చెను స్వస్వరూపంబును మరచెను
వచ్చెను హరితో అనుబంధమును మరచెను
అయ్యో మోసమాయె అధఃపతనమాయె
కుయ్యోమొఱ్ఱో యనె గోవిందు నెంచెను
అయ్య శ్రీరాముడై యభయహస్త మిచ్చె
వెయ్యి జన్మల పిదప విడుదల లభియించె
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.