దేవుడవగు నీకు తెలియని దేముండును

దేవుడవగు నీకు తెలియని దేముండును
జీవుడనగు నేను చేయున దేముండును

తోలుతిత్తిలోన నేను దూరిన పిమ్మటను
నేల నిదే చేరి నేను నిలచిన పిమ్మటను
కాలమునం దుఱక కలుగు కష్టసుఖంబులను
తేలుచు నిరతంబును తిరుగునే యుందును

మానవుగా వినోదముగ మాయలో ముంచుటను
మానుదునా వినోదము నే నందించుటను
యేనాటికి మాయలను మానుదువో కాని
యానా డెపుడెపుడని ఆశపడుచుందును

రామా నీ వాడను గద రవ్వంత దయచూపి
పామరత్వ మెల్ల బాపి పాలించగ రాదా
కామిత మిది కాక నాకు కలదా వేరొక్కటి
నా మెఱాలకించ కున్న నేమన గలవాడను