రాముడా రాజులు రాజ్యాల నేలుదురు

రాముడా రాజులు రాజ్యాల నేలుదు
రీమూడు లోకాల నేలు రాజువు నీవు

పేరోలగంబున పెద్దగద్దియ నెక్కి
శూరుడా యింద్రుడు శోభించు గాక
ఆ రావణుని ఢాక కాగలేమిని జేసి
శౌరి లోకేశ నిను శరణువేడెను కాదె

ధారుణీపతి వీవు ధర్మప్రభుడ వీవు
నీ రేడు లోకాల కేలికవు నీవు
కారుణ్యమును జూపి కమలాక్ష రావణుని
దారుణమ్ము లణచ తరలవే యనడే

పూని నీవీ మాయామానుషాకారమును
మానుషాదుని జంపి మహినేలి పెక్కేండ్లు
మానవాళికి ధర్మ మార్గమ్ము బోధించి
నీ నామమే ధ్యాననీయ మొనరించితివి