24, జనవరి 2019, గురువారం
చాల దగ్గరచుట్ట మీ నీలవర్ణుడు
చాల దగ్గరచుట్ట మీ నీలవర్ణుడు మీకు
మేలు చేసెడి చుట్ట మీ నీలవర్ణుడు
అయ్యతరపు చుట్టము అమ్మతరపు చుట్టము
వెయ్యేల మీకు చాల విలువైన చుట్టము
అన్ని వేళ లందు మిమ్మాదుకొనెడు చుట్టము
అయ్యారే వీడే కదా అసలుసిసలు చుట్టము
పనులు చెప్పని చుట్టము పనులు చేయు చుట్టము
ధన మడుగని చుట్టము ధనము లిచ్చు చుట్టము
మన సెరిగెడి చుట్టము మంచిచేయు చుట్టము
వినుడు వినుడు వీడు సర్వవిధములుగ చుట్టము
కారుణ్యము కలవాడని పేరుపడిన చుట్టము
మీ రెట్లు చూచినను మీవాడగు చుట్టము
కోరితే మోక్షమిచ్చు గొప్పవాడీ చుట్టము
దారి చూప రాముడై తరలివచ్చిన చుట్టము
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.