8, జనవరి 2019, మంగళవారం
రాముడా వైకుంఠధాముడా వినవయా
రాముడా వైకుంఠధాముడా వినవయా
నామనోరథ మైన దా మోక్షమే
అదియిచ్చి యిదియిచ్చి యటుద్రిప్పి యిటుద్రిప్పి
వదలు దేవతలవంటి వాడవు కావే
ముదమార మోక్షమిచ్చు పురుషోత్తముండ వని
వదలక సేవించుచుంటి భగవంతుడా నిన్ను
ఇలాతలమహారంగస్థలమునం దింతదాక
పలువిధముల తొడుగులలో వర్తించినాడ
అలసిపోతి నింకమీద నాడించవలదు నను
నిలకడగా నీయొద్దనె నిలచియుండ నీవే
ఇప్పించవే స్వామి యింకెంత కాల మని
తప్పించుక తిరిగెదవు దయచూపక
విప్పవయ్య భవపాశము లప్పడా యికనైన
చప్పున నీయెడకు నన్ను రప్పించుకొనవయ్య
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.