15, జనవరి 2019, మంగళవారం
ఉన్నావే రామనామ మన్నది మరచి
ఉన్నావే రామనామ మన్నది మరచి నీ
వున్నదే రామనామ మన్నది కొలువ
సురలు సేవించునట్టి సొంపైన నామమిది
నరుల తరింపజేయు నాణ్యమైన నామమిది
నరుల భూసురుడవే నావిధి యనుకొనవే
వరరామమంత్రనిష్ఠ భారమైపోయెనా
పరమశివుడు తలచితలచి మురియునట్టి మంత్రము
నరుడవు నీనాలుకపై నానుచుండ వలయునే
ధరామరుడ వయ్యు నీతలపులోన నిలువదే
హరిమెచ్చని విధమున చరియింతువే
హరేరామ మంత్రనిష్ఠ యబ్బని యీజన్మము
నరదేహపు సౌలభ్యము నాశనము చేసినది
మరల భూసురుడవన్న మహాగొప్ప యొకటా
సరిసరి యికనైనను సద్బుధ్ధి నుండవే
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.