18, జనవరి 2019, శుక్రవారం

దైవమా ఓ దయలేని దైవమా


దైవమా ఓ దయలేని దైవమా
జీవుని యెనెన్ని చిక్కుల బెట్టేవే

దయగలదు నీకని తరచుగ పొగడితే
దయపుట్టు ననుకొన్నది తప్పయ్యేనే
జయపెట్టుచు నీముందు సాగిలపడిన గాని
నయముగ చూడవే న్యాయమేనా

పడద్రోసి నన్నిట్లు ప్రళయభవజలధిని
గడుసుగా డాగియుండి గమనించేవే
విడుదల యెప్పుడో వివరముగ తెలియని
జడునిగ చేయుటేమి సంతోషమే

ఏమేమో విందు మారాముడ వీవేనట
రాముడంటే సర్వజగద్రక్షకుడేను
నా మీద దయకలగి నన్ను రక్షించవు
మా మంచి దైవమవె మన్నింపవే
వీరిచే పోస్ట్ చేయబడింది వద్ద
లేబుళ్లు:

5 కామెంట్‌లు:

  1. sarma18 జనవరి, 2019 7:59 PMకి

    మీరు ముందుమాట రాసిన నా ఇ.బుక్ కినిగెలో ప్రచురుంపబడింది.
    ఈలింక్ లోచూడగలరు.
    http://kinige.com/kbook.php?id=9258

    రిప్లయితొలగించండి
    రిప్లయిలు
    1. శ్యామలీయం19 జనవరి, 2019 9:12 AMకి

      మిత్రులు శర్మగారు,
      ధన్యవాదాలు.
      చూసాను.
      ఆ ముందుమాటలో దురదృష్టవశాత్తు అక్షరదోషాలు బహుళంగా కనిపించాయి. వీలైతే సరిజేయప్రార్థన. అక్షరదోషాలకు కారణం నాచేతివ్రాత బాగుండకపోవటం అనుకుంటున్నాను. చేతితో వ్రాసే అలవాటు దశాబ్దాలుగా తప్పిపోయింది మరి.

      తొలగించండి
    2. sarma19 జనవరి, 2019 9:29 AMకి

      శ్యామలరావు గారు
      నమస్తే.

      నా కోరిక మేర, మీరు చేతి రాతతో పంపిన ముందుమాట కినిగెవారికి అలాగే పంపించాను. వారు దానిని అలాగే ప్రచురిస్తారనుకున్నా! టైపు పొరపాట్లు చాలానే జరిగాయి. కినిగెవారికి తెలియజేసాను, సరి చేస్తారని ఆశిస్తాను
      ధన్యవాదాలతో

      తొలగించండి
  2. నీహారిక19 జనవరి, 2019 9:54 AMకి

    దయగలదు నీకని తరచుగ పొగడితే
    దయపుట్టు ననుకొన్నది తప్పయ్యేనే
    జయపెట్టుచు నీముందు సాగిలపడిన గాని
    నయముగ చూడవే న్యాయమేనా ?????

    Nice lyrics !

    రిప్లయితొలగించండి

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)