15, జనవరి 2019, మంగళవారం

కోదండరాముడా కోనేటిరాయడా


కోదండరాముడా కోనేటిరాయడా
నీ దివ్యనామమే నిజమైన రక్ష

ఆపదలు చుట్టుముట్టి యదలించిన వేళ
సైపరాని నిందల జంకిన వేళ
కాపుదల లేనివేళ కానివారు గదుము వేళ
పాపాత్ముల మధ్యన బ్రతుకనైన వేళ

వయసుపొం గుడిగి బ్రతుకు భారమైనవేళ
నయముకాని వ్యాధిపా లయిన వేళ
అయినవారు లేనివేళ అదృష్టమే లేనివేళ
భయావహ గ్రహదశలు వచ్చిన వేళ

చప్పున చేయందించు జనులులేని వేళ
గొప్పలుడిగి తిండికిగతి తప్పిన వేళ
అప్పులపా లైనవేళ తిప్పలు హెచ్చైన వేళ
తప్పుచేసి కుందువేళ తనదికాని వేళ