15, జనవరి 2019, మంగళవారం
కోదండరాముడా కోనేటిరాయడా
కోదండరాముడా కోనేటిరాయడా
నీ దివ్యనామమే నిజమైన రక్ష
ఆపదలు చుట్టుముట్టి యదలించిన వేళ
సైపరాని నిందల జంకిన వేళ
కాపుదల లేనివేళ కానివారు గదుము వేళ
పాపాత్ముల మధ్యన బ్రతుకనైన వేళ
వయసుపొం గుడిగి బ్రతుకు భారమైనవేళ
నయముకాని వ్యాధిపా లయిన వేళ
అయినవారు లేనివేళ అదృష్టమే లేనివేళ
భయావహ గ్రహదశలు వచ్చిన వేళ
చప్పున చేయందించు జనులులేని వేళ
గొప్పలుడిగి తిండికిగతి తప్పిన వేళ
అప్పులపా లైనవేళ తిప్పలు హెచ్చైన వేళ
తప్పుచేసి కుందువేళ తనదికాని వేళ
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.