ఎవ రెక్కడ రామచంద్రు నేరీతి పొగడినా

ఎవ రెక్కడ రామచంద్రు నేరీతి పొగడినా
చెవులకది యమృతమై చిత్త ముప్పొంగును

సరిలేని వీరుడనుచు సద్గుణాకరుణనుచు
పరమదయాపరుడనుచు భక్తసులభు డనుచు
పరమేష్ఠిపరమశివులు ప్రస్తుతించెద రనుచు
హరి యీతడు సర్వపాపహరుడీతడే డనుచు

ఈతడే సృష్టిజేసె నీ విశ్వముల నెల్ల
నీతడే పెంపుజేయు నీ విశ్వముల నెల్ల
నీతనిలో లీనమగు నీవిశ్వములు తుదకు
నీతడే దేవుడని యెఱుకతో పలుకుచు

వినుడోహో రాముడే విశ్వాంతరాత్ముడు
జనుల కెల్ల శుభములు జరిపించు వాడు
అనయము మునుల కేమి యాదిత్యుల కేమి
కనికరించి చిక్కులెల్ల కడతేర్చు వాడనచు