ఈమనోహరుని పేరు రామచంద్రుడు

ఈమనోహరుని పేరు రామచంద్రుడు
భూమిని నడయాడు వీడె పురుషోత్తముడు

వీడే రాకాసులను విరచునట్టి వెన్నుడు
వీడే దేవతలకెల్ల పెద్దదిక్కు
వీడే మునులెంచెడు వేదవేద్యుడైన వాడు
వీడే విశ్వముల జేసి పెంచుచుండు వాడు

వీడు జనకునింట శివునివింటి నిట్టె విరచెను
వీడు జానకిని వేడ్క పెండ్లాడెను
వీడు జనకునాజ్ఞను గొని విపినములకు వచ్చెను
వీడు పూని రాకాసుల పీడను వదలించును

వీనివలన రావణుండు విరుగడై పోవును
వీనివలన విశ్వశాంతి వెల్లివిరియును
వీనివలన సత్యధర్మ విధానములు వెలుగును
వీనివలన ముముక్షువుల వేడుకలు తీరును