30, జనవరి 2019, బుధవారం
సీతజాడ గోదావరి చెప్పదేమి లక్ష్మణా
సీతజాడ గోదావరి చెప్పదేమి లక్ష్మణా
యే తీరున మాటలాడు నీనది శుభచరితుడా
నీటికొరకు వచ్ఛియన్న నిశ్చయముగ తెలియదా
యేటికి నా సీతజాడ యేమందువు లక్ష్మణా
పాటించుట మౌనమును పాడిగామి యెరుగదా
యేటికి నిర్దయను బూని యిటులున్నది లక్ష్మణా
ప్రీతిగల యక్క రఘువీరుల కీ గోదావరి
ఖ్యాతిగల కులవధువు గతి చెప్పదు లక్ష్మణా
చేతులు జోడించితే చెప్పునేమొ గోదావరి
చేతులిదే జోడించితి చెప్పు మనుము లక్ష్మణా
సీత నేడు రాకాసుల చేజిక్కుట చూచినదా
నాతో వచియించుటకు భీతిగొనెనొ లక్ష్మణా
ఈ తల్లికి తెలుపవే యితడు విష్ణుతేజుడని
సీతను రక్షించునని చెప్పు మనుము లక్ష్మణా
