వాడెమో రాకాసి వీడేమో వెన్నుడు

వాడెమో రాకాసి వీడేమో వెన్నుడు
వేడుకగా సాగినది వింతముచ్చట

వాడు వచ్చె వీడు కొట్టె వాడు తూలి వనధిజొచ్చె
వాడిబాణమేల విడిచె వాని జంపక
వాడితోడ వచ్చినట్టి వాడు కాలి బూడిదాయె
చూడ తూలిపడినవాడు చుట్టమాయెనా

వాడు మరల వచ్చినాడు వీడు వాని జూచినాడు
వాడిగలవి వేసినాడు మూడుశరములు
వాడు మూడుబాణములకు కూడ దొరుక డేమివింత
వీడు వాని తరిమికొట్టి విడచిపెట్టెనా

లేడిరూపు దాల్చినాడు వాడు తిరిగి వచ్చినాడు
వాడు రామకథను ముఖ్య పాత్రధారి
వీడు వాని జంపె కాని విడచె నేల రెండు మార్లు
చూడ వెన్నుడల్లినట్టి సొంపగులీల