ఇతడేమి చేయునన నతని కీర్తించును

ఇతడేమి చేయునన నతని కీర్తించును
నతడేమి చేయునన నితని దీవించును

దినదినమును నిటు దివ్యకీర్తనము
మనసారగ నిత డొనరించుటయును
విని ముదమున దీవన లత డిచ్చుట
యును నీయిద్దరకును సహజములు

అతడెందుంచిన నితడందుండుచు
సతతము పొగడును చక్కగ నాతని
యతులితమహిమం బతిసంతసమున
నతడిత డాత్మీయత గలవారలు

జీవుం డీతడు సేవకుడు సఖుడు
దేవుడు రాముడు జీవేశు డతడు
భావించు నితడు పాడ నతనకై
దీవించు నతడు దీనవత్సలడు