రాముడా నిను కొలువరాదని

రాముడా నిను కొలువరాదని భావించు
పామరు లేమేమో పలికిన నేమి

ఎన్నెన్ని జన్మంబు లెత్తియుంటినో కాని
యన్నిజన్మములను నిన్నంటి యుంటి
వెన్నుడా యిన్నాళ్ళకు వెఱ్ఱులెవ్వారలో
నిన్నుకొలువ రాదంటే నేను విందునే

నీవు నాకండగా నిలబడియున్నావు
కావలసిన దంతకంటే కలదే నాకు
ఈవేళ నినుగూర్చి యెఱుగని వారెవ్వరో
యేవోవో పలికినచో నెట్లు విందురా

నా యంతరంగమున నవ్వుచు నీవుండ
నీ యంతరంగమున నిండినట్టి కరుణ
హాయిగా నిత్యమును నన్నలరించుచుండ
యే యజ్ఞుల మాటలైన నేల విందునో