6, జనవరి 2019, ఆదివారం
రాముడా నిను కొలువరాదని
రాముడా నిను కొలువరాదని భావించు
పామరు లేమేమో పలికిన నేమి
ఎన్నెన్ని జన్మంబు లెత్తియుంటినో కాని
యన్నిజన్మములను నిన్నంటి యుంటి
వెన్నుడా యిన్నాళ్ళకు వెఱ్ఱులెవ్వారలో
నిన్నుకొలువ రాదంటే నేను విందునే
నీవు నాకండగా నిలబడియున్నావు
కావలసిన దంతకంటే కలదే నాకు
ఈవేళ నినుగూర్చి యెఱుగని వారెవ్వరో
యేవోవో పలికినచో నెట్లు విందురా
నా యంతరంగమున నవ్వుచు నీవుండ
నీ యంతరంగమున నిండినట్టి కరుణ
హాయిగా నిత్యమును నన్నలరించుచుండ
యే యజ్ఞుల మాటలైన నేల విందునో
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.