రాత యెట్టులున్నదో రాము డేమిచేయునో

రాత యెట్టులున్నదో రాము డేమిచేయునో
చేతికందే ఫలము చేదో తీపో

ఎందుకే ఓ మనసా యింత గుంజాటన నీకు
అందించ దగినదే అందించును రాముడు
ఎందు నీకు మంచి యున్న దెరిగినవా డతడే
తొందరెందుకే యీ చిందులెందుకే

రాత రాత యందు వారాత యెవరు వ్రాసినదే
చేతులార మున్నునీవు చేయునపుడు వగవక
ఈతీరున నేడు వగచి యేమి లాభమున్నదే
సీతాపతి దయనువేడి చింతమాని యుండవే

స్వాదుఫలము దొరకితే చాల గ‌ర్వించబోకె
చేదుపండు దొరకినదా చిన్నబుచ్ఛుకొనకే
చేదైనా తీపైనా శ్రీరాముని ప్రసాదమని
కాదనక గైకొనవే కర్మక్షయము జరుగనీవె