మేము రామయోగులము మేము రామభోగులము
మేము రామసేవకులము మాది రామకులము
శ్రవణీయ మనవరతము రమ్య రామనామము
నవనీతము కన్న రుచి భువిని రామనామము
దివిజు లెల్ల కొలుచుకొను దివ్య రామనామము
భవతారణసుఖనౌకగ పరగు రామనామము
శ్రీరాముడు మాకెప్పుడు స్నేహితుడు గురుడు
శ్రీరాముడు మాకెప్పుడు చెంతనుండు దైవము
శ్రీరాముడు మాకెప్పుడు చేదోడగు సోదరుడు
శ్రీరాముడు మాకు తండ్రి సీతమ్మ మా తల్లి
శ్రీరామ యనువారిని చేరుట మా నైజము
శ్రీరామ చింతన మా చిత్తముల కాహారము
శ్రీరాముని కథలు మా చెవులకు సంగీతము
శ్రీరామ సేవన మా జీవితపరమార్థము
4, జులై 2013, గురువారం
1 కామెంట్‌:
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
చాలా బాగా రాసారండి.
రిప్లయితొలగించండి