తానే దిగివచ్చె నమ్మా దైవము రాముడై
మానవులార పూజించండి మంచి మనసుతో
బుధ్ధిజీవులమని పొంగిపోతె చాలునా
బుధ్ధిమంతులైయుండ బోలును మంచి
బుధ్ధులన్ని నేర్పించగ మహిపైన రాముడై
శుధ్ధబ్రహ్మమే వెలసెను చూడరే మీరు
భూవలయము పంటపండి పురుషోత్తముడు
దేవదేవుడే రాగా దివినుండి భువికి
సేవచేసి తరించిన జీవులే ధన్యులని
భావంబునందెఱిగిన వారే సుకృతులు
రామరామ యనువారిని రాముడు రక్షించగ
రామరామ యనక చెడ రాదుగా మనకు
రామహరే కృష్ణహరే ప్రాణప్రియాయని
ప్రేమతో కొలువరయ్య శ్రీహరి నిపుడు
కామెంట్‌లు లేవు:
కామెంట్‌ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.