హరిని పొగడరే మీరు తరుణులారా మరి యెవరిని పొగడెదరో తరుణులారా
దశరథరాముడని తరుణులారా మీరు తనివారగ పొగడరే తరుణులారా
దశకంఠమర్దనుడని తరుణులారా మీరు తరచుగాను పొగడరే తరుణులారా
యశోవిశాలుండని తరుణులారా మీరు దిశలు మ్రోగ పొగడరే తరుణులారా
ప్రశమితేంద్రియుడని తరుణులారా మీరు పదేపదే పొగడరే తరుణులారా
ధరణిజాపతియని తరుణులారా మీరు పరమాత్ముని పొగడరే తరుణులారా
నరనాథవరుడని తరుణులారా మీరు నతవత్సలు పొగడరే తరుణులారా
కరుణాసముద్రుడని తరుణులారా మీరు కడువేడ్కను పొగడరే తరుణులారా
సరిలేని వీరుడని తరుణులారా మీరు చక్కగాను పొగడరే తరుణులారా
వనజాయతాక్షుడని తరుణులారా మీరు భక్తిమీఱ పొగడరే తరుణులారా
ఘనశ్యాము డితడని తరుణులారా మీరు ఘనముగాను పొగడరే తరుణులారా
ఇనవంశతిలకుడని తరుణులారా మీరు ఇంపుగాను పొగడరే తరుణులారా
మన తండ్రి రాముడని తరుణులారా మీరు మనదేవుని పొగడరే తరుణులారా
