లేడా శ్రీరాము డున్నాడు తోడు
నీడై మన రాము డున్నాడు
ఏడేడు జగముల కేలికై యున్నాడు
వేడుక సాకేతవిభుడై యున్నాడు
వేడితే రక్షించు వీరుడై యున్నాడు
వాడెల్ల వేళల బాసటై యున్నాడు
చూడచక్కని సొగసుకాడై యున్నాడు
వాడైన బాణాలవాడై యున్నాడు
కూడి సీతమ్మను కొలువై యున్నాడు
వాడెల్లప్పుడు మనవాడై యున్నాడు
సుజనుల కిదె దారి చూపుచున్నాడు
నిజభక్తులకు సుఖము నిచ్చుచున్నాడు
భజనచేయువారి భావించుచున్నాడు
విజయరాముడు జనప్రియుడై యున్నాడు
(ఈకీర్తనను హాస్పిటల్ ఆవరణలో వ్రాయటం జరిగింది. అప్పుడు ఆపరేషన్ కోసం నిరీక్షిస్తూ ఉన్నాను)
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.