21, జులై 2013, ఆదివారం

నీ ముందు నే నెంత ఓ హనుమంత

నీ ముందు నే నెంత 
ఓ హనుమంత
నీ దయతో చింత
తీరెను హనుమంత

రాముని చిత్తమెంత
కోరినా ప్రకృతి వింత
మాయలతో చింత
కలిగేను హనుమంత  ॥నీ ముందు ॥

కలి మితిమీరి నంత
కడగండ్లు కొండలంత
కలుగుటేమి వింత
కాదుగా హనుమంత  ॥నీ ముందు ॥

రామపాదముల చెంత
కూర్చుండు హనుమంత
రామభక్తుల కెంత
అండవో హనుమంత  ॥నీ ముందు ॥

రామస్వామిని సుంత
నేను పొగడిన యంత
సంతసము నీ‌ కెంత
కలిగెనో హనుమంత  ॥నీ ముందు ॥

అనుసంధానించుకోండి: 
       హనుమంతులవారిని గుర్తించలేకపోయానే!

(జూలై 2013)

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.