1, డిసెంబర్ 2019, ఆదివారం

ఇదేం దేశం?


ఇదేం దేశం
లేదే భద్రత
లేదే ప్రాణానికి విలువ
వేదం పుట్టిన
ఈ దేశంలో
లేదే ధర్మానికి చోటే

స్తుత్యం స్త్రీత్వం
సత్యం సత్యం
అత్యంత విషాదకరంగా
అత్యాచారం
హత్యాచారం
నిత్యం దేశంలో చూస్తాం

లోపవిషాక్తం
శాపగ్రస్తం
ఈ పావనభారత దేశం
రేపిష్టుల్నీ
పాపాత్ముల్నీ
కాపాడును దేశపు చట్టం

ఈ దేశంలో
ఏ దేవుడికీ
రాదు నివేదనకే లోపం
ఈ దేశంలో
ఏ దేవతకూ
లేదు సుమా గౌరవలోపం

భారతదేశపు
నారీలోకపు
దారుణకష్టం కనుగొనరే
రారే తీర్చగ
గౌరవనీయులు
క్రూరుల్నణచే దేవుళ్ళే

చిక్కున్నారా
ఎక్కిడికక్కడ
మ్రొక్కులనందే రాళ్ళల్లో
దాక్కున్నారా
ఇక్కడి దుష్టుల
ఉక్కడగించ అశక్తులరై


10 వ్యాఖ్యలు:


  1. శ్యామలీయం వారూ పడ్డారూ శరషట్పదపై :)

    ప్రత్యుత్తరంతొలగించు
  2. అధర్మం పీక్స్ లోకి వెళ్ళినా దేవుళ్ళు అవతరించడం లేదు. భారతదేశం ప్రస్తుతం స్త్రీలకు అత్యంత ప్రమాదకర దేశంగా మారింది. ఇక్కడున్న ఆధ్యాత్మికత అంతా మేడిపండు చందమౌతుంది.
    కామపిశాచాలు స్వైరవిహారం చేస్తున్నాయి. ఈ పిచ్చికుక్కల ను నిర్దాక్షణ్యంగా మట్టుపెట్టాలి.

    పోలీసులు, న్యాయవ్యవస్థ ,సమాజం అందరికీ ఈ పాపం లో భాగం ఉంది.

    ప్రత్యుత్తరంతొలగించు
  3. మనం మారం నిజం
    మనం తెలుగోళ్ళం
    మనకి తోచదు
    ఎవరో చెబితే
    ఒప్పం అదే నిజం
    మనం దుర్యోధన
    చెలికాళ్ళం నిజం

    ప్రత్యుత్తరంతొలగించు
  4. "This is no time to talk of the beauty of any country Sadness and fear and hate, how they rise up in the heart and mind! Cry for the broken tribe, for the law and custom that is gone. And cry for the man who is dead, for the woman and children who have lost him. Cry, the beloved country, these things are not yet at an end. The sun pours down on the earth, on the lovely land that man cannot enjoy. He knows only the fear of his heart".

    Extract from Cry, the Beloved Country, Alan Paton, 1948

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.