12, డిసెంబర్ 2019, గురువారం
పరమాత్ముని చేరు కొనుట పరమసులభము
పరమాత్ముని చేరు కొనుట పరమసులభము
పరమసులభమని యెఱుగుట పరమకష్టము
వెదుకనేల బయట నతని వెంగళి వగుచు
హృదయ మందుండు నీ యీశ్వరు డనుచు
చదివి సంతోషించుటన్న చాల సులభము
మదిని నమ్మి యట్లెఱుగుట మహాకష్టము
అహరహమును నిష్ఠతో నాతురు డగుచు
బహుశాస్త్రములు చదివి పండితు డయ్యు
అహమిక విడనాడకుండ నతని నెఱుగడు
దహరాకాశమున నతని దర్శించ లేడు
పరమాత్ముం డనుచు నమ్మి భావములోన
శరణాగతి చేసి రామచంద్రున కెవడు
నిరుపమాన భక్తి కలిగి నిలచియుండును
పరమసులభముగ నట్టివాడు తరించు
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.