చిత్రాలెన్నో చేసేవు శ్రీహరి నీవు నీ చ
రిత్రమెన్న జాలువార లెవ్వరు రామ
తొల్లి హేమకశిపు డగుచు తోచిన జయుని
బల్లిదు నా యింద్రాదుల పాలి కాలుని
అల్లన నిసుమంత సేపాటగా పోరాడి
పెళ్ళగించి ప్రేగులను విరచినావుగా
మరల వాడు రావణుడై మహికి వచ్చినా
అరయ హేమకశిపులో శతాంశసత్వుడు
నరుడవై నీవేమో నానాతిప్పలు పడి
విరచినావు తుద కదే వింతగ దోచు
అరనరుడ వైనప్పటి యమితమౌ సత్త్వము
మరి పూర్తిగ నరుడవైన మాయ మాయెను
హరినన్న మాట మరిచి నరోత్తముడ వగుచు
నరజాతికి నేర్పితివి పరమధర్మము
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.