8, డిసెంబర్ 2019, ఆదివారం
జంతుతతికి విష్ణునామ స్మరణ మేమిచ్చు
జంతుతతికి విష్ణునామ స్మరణ మేమిచ్చు
అంతులేని సుఖమిచ్చు నాపైన మోక్షమిచ్చు
పతితపావనుం డైన భగవానుని నామములే
యతులితానందకరము లగుచు నున్నవి
మతిమంతులు హరిని సన్నుతిచేసి పొందు సుఖము
మితిలేని దీ జగమున ప్రతిలేనిది నిజముగ
హరినామసాహస్రి నమితమైన ప్రేముడితో
తరచుగా నుడువుటలో తనియు వాడే
పరమధన్యు డననొప్పును వాడనుభవించు సుఖము
నిరుపమానముగ నుండును నిత్యమై యుండును
వేయి విష్ణు నామములు చేయుశక్తి లేనియెడల
హాయిగా శ్రీరామ రామ యన్న చాలును
మాయ నధిగమించి యసామాన్యమై నట్టి సుఖము
శ్రీయుతుని వలన బడిసి జీవుడు తరించును
దీనికి సబ్‌స్క్రయిబ్ చేయి:
కామెంట్‌లను పోస్ట్ చేయి (Atom)
కామెంట్‌లు లేవు:
కామెంట్‌ను పోస్ట్ చేయండి
కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్
(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )
గమనిక: అమోదించబడిన వ్యాఖ్యలు మాత్రమే ప్రచురించబడతాయి. తమ పరిచయం పొందుపరచకపోతే అజ్ఞాతల వ్యాఖ్యలు వెంటనే బుట్టదాఖలు అవుతాయి.