4, డిసెంబర్ 2019, బుధవారం

నీ రామభక్తియే నీ ముక్తి సాధనము


నీ రామభక్తియే నీ ముక్తి సాధనము
పోరా నీ వితరముల పొందున దేమి

వేలవేల యుపాధుల నేలాగో గడిపి నీ
వీలాగున నిప్ఫటికి నీశ్వరు నెరిగి
చాలు నింక పుట్టువు లని సర్వాత్మనా వేడు
కాలమున నది యొక్కటె కాచుచున్నది

యోగసాధనల నెన్నొ యుపాధుల కరగించుచు
నాగ కుండ జరిపిన యీ యధ్బుత యాత్ర
సాగి యీనాటికిటుల చక్కని రామభక్తి
యోగమై ముక్తిదమై యొప్పుచున్నది

రాము డిదే నీహృదయారామ వర్తియై యుండ
రామనామ దివ్యజప పరాయణుండవై
రామైక జీవనుడవు రామయోగరతుడవు
ప్రేమతో రాము డేలు రామభక్తుడవు

వీరిచే పోస్ట్ చేయబడింది వద్ద
లేబుళ్లు:

2 కామెంట్‌లు:

  1. భానోదయం5 డిసెంబర్, 2019 7:30 PMకి

    పోస్ట్ టైటిల్ లో
    నీ రామభక్తియే నీ ముక్తి సాధనము పోరా యితరముల పొందున దేమి అని రాశారు.


    తర్వాత

    నీ రామభక్తియే నీ ముక్తి సాధనము
    పోరా నీ వితరముల పొందున దేమి అని రాశారు

    ఇక్కడ యితరముల నీ వితరముల ఏది పలకాలి..

    రిప్లయితొలగించండి
    రిప్లయిలు
    1. శ్యామలీయం5 డిసెంబర్, 2019 7:59 PMకి

      శీర్షికలో పొరపాటు సరిజేసాను. "నీ రామభక్తియే నీ ముక్తి సాధనము పోరా నీ వితరముల పొందున దేమి" అన్నదే సరైన శీర్షిక.

      తొలగించండి

ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు.

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)