17, అక్టోబర్ 2014, శుక్రవారం

ఎంత సంతోషించి ఏమి ఫలము?








విద్యల నార్జించి విత్తంబు లార్జించి
    యెంత సంతోషించి యేమి ఫలము

బంధుమిత్రులు గూడి బ్రహ్మరథము బట్ట
    యెంత సంతోషించి యేమి ఫలము

ఆస్తులార్జన జేసి యాత్మీయులకు నిచ్చి
    యెంత సంతోషించి యేమి ఫలము

అధికార పదముల నధిరోహణము జేసి
    యెంత సంతోషించి యేమి ఫలము

సుంత యైనను పరమార్థ చింతనంబు
జేయకుండిన మనుజుని జీవితంబు
చక్కగా భవమహాంబుధి నొక్క చోట
నెగసి పడినట్టి యలకన్న నెక్కుడగునె