నావాడవు నీవు రాఘవా

నావాడవు నీవు రాఘవా నేను
  నీవాడ నయ్య రాఘవా
పైవాడను కాను రాఘవా నన్ను
  పాలించ వయ్య రాఘవా

ఎన్ని జన్మముల రాఘవా 
  ఎంత తపించి రాఘవా
నిన్ను బడసితి రాఘవా ఇంక 
  నిన్ను విడవను రాఘవా
నన్ను విడువకు రాఘవా  తప్పు 
  లున్న మన్నించి రాఘవా
అన్నియు నాకగుచు రాఘవా నీవు 
  నన్నేలు కొనుము రాఘవా 

మరల జన్మించ రాఘవా నాకు
  మనసేమి లేదు రాఘవా
కరుణాలవాల రాఘవా నామ
  స్మరణము విడువ రాఘవా
సరసిజనయన రాఘవా నన్ను
  మరల పుట్టించకు రాఘవా
కరుణతో నాకు రాఘవా నీవు
  కరుణించు ముక్తి రాఘవా