నామీద దయజూపరా

నామీద దయజూపరా శ్రీ
రామా కృపాసాగరా

నామీద దయజూపి నన్నేలు కోవయ్య
సామగానప్రియ సాధుజనపోష
శ్యామలాంగ హరి సర్వేశ సురతోష
రామయ్య నీవాడ రక్షించ వేమయ్య

నామీద దయజూపి నాకష్టముల దీర్చ

వేమయ్య రామయ్య వేయి దండాలయ్య

కామారినుతదివ్యనామా పయోధర

శ్యామా పరాకేల సకలాపదోధ్ధార

నామీద దయజూపి నాదీనతను బాపి

ప్రేమతో నన్నేల వేరెవ్వరున్నారు

నీమీదనే యాశ నిలిపితిరా పరం

ధామా శరణు శరణు శ్రీమన్నారాయణ