కళ్ళు రెండు చాలవే వేయి
కళ్ళున్నను జాలవే
కాళ్ళకు గజ్జెలు కట్టి
ఆడే కృష్ణుని జూడ
కళ్ళు రెండు చాలవే
ఆడే కృష్ణుని జూడ
కళ్ళు రెండు చాలవే
వ్రేళ్ళ కుంగ్రాలు మెరయ
క్రేళ్ళుబ్బు హరి జూడ
కళ్ళు రెండు చాలవే
పిల్లనగ్రోవి బట్టి
గొల్ల కన్నెల మధ్య
చల్లని నగవులతో
అల్లన నాడుచున్న
నల్లనయ్యను జూడ
కళ్ళు రెండు చాలవే
బుల్లి నెమలి యీక
కుళ్ళాయి మీద మెరయు
ఫుల్లాంబురుహ నయను
ఉల్లము రంజిల్లగను
కళ్ళార జూచెద మన్న
కళ్ళు రెండు చాలవే
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలు ప్రచురితం అవుతాయి.