రామనామరసమానసరాజహంసలకు గాక

కళ్యాణి.

 

రామనామరసమానసరాజహంసలకు గాక

రామ తత్త్వమెఱుకగాదు రాము నెఱుగరాదు

 

కామవైరి వలన గాక రామనామలబ్ధి లేదు

రామనామభజన లేక రామభక్తి కుదురుకోదు

రామభక్తిపరులు గాక రామసేవ బడయలేరు  

రామసేవకులకు గాక కామాదుల గెలువగాదు

 

కామాదివికారరహితఘనత బడసి నిత్యము శ్రీ

రామయోగు లగుచు నిల విరాజిల్లెడు యోగివరులు

రామనామరససరసిని నీమంబుగ నీదుచు రఘు

రాముని లోనెఱిగి సదా రామునితో నుండు వారు