రాముని మాత్రమె తలచెదను

రాముని మాత్రమె తలచెదను

రాముని మాత్రమె వలచెదను

రాముని మాత్రమె ప్రేమించెదను

  రాముడు నాకు ప్రియసఖుడు

రాముని మాత్రమె సేవించెదను

  రాముడు నాకు యజమాని

రాముని భక్తులతో చేరెదను

  రామునివారె నావారు

రాముని మాత్రమె పూజించెదను

  రాముడె నాకు దైవతము

రాముని మాటలె పాటించెదను

  రాముడు నాకు సద్గురువు

రాముని వద్దనె నివసించెదను

  రాముని గడప నాయునికి

రాముని కొరకే జీవించెదను

  రాముడె నాకు జీవితము

రాముని తత్త్వమె చింతించెదను

  రాముడె నాకు దైవతము