మ్రొక్కుచు నుందురు రాముని కొందరు
చక్కగ ననిశము సంతోషముగా
మిక్కిలి భక్తిని మ్రొక్కెడు వారికె
దక్కును మోక్షము నిక్కముగా
సీతారామా రాజారామా
శ్రీరామా రఘురామా యనుచును
పూతచరిత్రా భువనాధిప వి
ఖ్యాతచరిత్రా రామా యనుచును
మునివరసన్నుత సురవరసన్నుత
పురహరసన్నుత రామా యనుచును
వనజాసననుత దనుజకులాంతక
వనజాతేక్షణ రామా యనుచును
శాపవిమోచనచణశుభచరణా
సంకటమోచన రామా యనుచును
పాపవిమోచన తాపవిమోచన
భవభయమోచన రామా యనుచును
కామెంట్లు లేవు:
కామెంట్ను పోస్ట్ చేయండి
ఆమోదించిన వ్యాఖ్యలే ప్రచురితం అవుతాయి. తరచుగా పరిశీలించటం వీలు కాదు కాబట్టి అప్పుడప్పుడు వ్యాఖ్యలు కనిపించటం ఆలస్యం కావచ్చును. తరచుగా జవాబులు ఇవ్వటం నాకు వీలు కాదు. ఎక్కువగా చర్చించటం అస్సలు వీలుకాదు. అజ్ఞాతల వ్యాఖ్యలు ప్రచురించబడవు