హరినామములే వరమంత్రంబులు

హరినామములే

  వరమంత్రంబులు

నరులారా యిహ

  పరసాధనములు

ఒకమంత్ర మిచ్చు సిరుల 

  నొకమంత్రమిచ్చు బలము

నొకమంత్ర మిచ్చు స్థిరత

  నొకమంత్ర మిచ్చు బలగ

మొకమంత్ర మిచ్చు ప్రభుత

  నొకమంత్ర మిచ్చు సుఖము

హరిమంత్ర మిచ్చు నండి

  యన్నియును మీకు నిజము

పరమంత్రములను మీరు

  బడయు సిరులు సుఖములును

ధరను విడచు సమయమున

  తరలిరావు వెనుదగిలి

హరిమంత్ర మాశ్రయించు

  నరు డెన్నటికిని చెడడు

హరేరామ యనువాడు

  హరినిచేరు సుఖముగను