రాముడంటే గౌరవమా రాకాసులకా
భూమిసుతను రాకాసులు పూజించేరా
రాముడికి కొత్తకాదు రాకాసుల దుండగాలు
ప్రేమతో బోధిస్తే వింటారా రాకాసుల మూకలు
రాముడి బాణాలకు రాకాసులు కొత్తకాదు
భూమికీ కొత్తకాదు ముష్కరుల నెత్తుళ్ళు
మాయలేడి వేషముతో మారీచుడు వంచించెను
మాయచే రామశిరము మలచినాడు రావణుడు
మాయాసీతను చంపి మాయచేసె వాడి కొడుకు
మాయలన్ని వమ్మాయెను మరి వారికి చావాయెను
మొన్నమొన్న శ్రీరాముని బొమ్మ నొకడు విరచెను
నిన్ననే దుష్టుడొకడు నిక్కి సీత బొమ్మ విరచె
చిన్నచిన్న తప్పులనుచు శిక్షించక విడువడుగా
అన్నన్నా రాకాసుల నణిచివేయు రఘువీరుడు
